Эрүүл, тэнцвэртэй хооллолт нь эрүүл байх үндсэн суурь болдог. Хоол хүнсэнд уураг, нүүрс ус, өөх тос, амин дэм, эрдэс бодис болон эслэг хангалттай байх ёстой. Гэхдээ эрэгтэйчүүдийн хэрэгцээ эмэгтэйчүүдийнхээс ялгаатай байж болох уу? Тэдний биед онцгой хэрэгцээтэй хүнс гэж тусдаа байдаг уу? Энэ талаар хоол тэжээлийн мэргэжилтэн Юлия Хлоповагаас тодруулъя.

Эрэгтэйчүүдийн биеийн булчингийн масс эмэгтэйчүүдийнхээс их учир тэд илүү хурдан энергиэ шатаадаг. Эрэгтэйчүүд болон эмэгтэйчүүдийн хоол зөвхөн ханасан өөх тос болон ханаагүй өөх тосны тэнцвэрт байдлаар ялгардаг гэж тайлбарлаж болно.

Ханасан өөх тосод мах, сүүн бүтээгдэхүүн, өндөг, дал модны болон кокосын тос багтдаг бол ханаагүй өөх тосны хүнсний бүтээгдэхүүнд загас, ургамлын тос, самар, үр, авокадо багтдаг.

Эрэгтэйчүүд өдөр бүр мах идэх ёстой гэсэн өрөөсгөл ойлголт түгээмэл байдаг. Эмэгтэйчүүд төмрийн дутагдалд орж байх үед эрэгтэйчүүд төмрийн илүүдэлд өртөж байдаг талаар судалгаа ч бий. Европын хүнсний аюулгүй байдлын газрын мэдээлснээр 30-аас дээш насны эрэгтэйчүүдийн цусанд төмрийн хэмжээ ихэссэн байх нь элбэг бөгөөд энэ нь зүрх судасны өвчний эрсдэлийг нэмэгдүүлдэг. Тиймээс өдөр бүр стейк, шарсан мах, зайдас гэх мэт маран төрлийн хоол идэх нь эрч хүчийг нэмэгдүүлэхээс илүүтэй эрүүл мэндэд эрсдэл үүсгэх нэгэн шалтгаан болдог байна. Үүнтэй холбогдуулан эрэгтэйчүүд төмрийн түвшнийг хянаж, байх ёстой хэмжээнээс хэтрүүлэхгүй байх нь нэн чухал ба нөгөөтээгүүр дараах хооллолтоос хэрэгцээтэй бүхий л амин дэм эрдсээ тэнцвэртэй нөхөх боломжтой.